Proxecto Materna nace do compromiso social e persoal coa profesión do actor e da actriz. É un espazo de creación, formación e acompañamento para artistas emerxentes, independentes e profesionais consolidados, ofrecéndolles recursos e un entorno que facilite o seu desenvolvemento profesional.
Dende a súa orixe, este proxecto busca cubrir unha necesidade: proporcionar espazos con mimo e coidado, onde os artistas se sintan seguros e apoiados no seu proceso creativo. Móvenos a convicción de que a cultura é unha rede que une, transforma e xera impacto social.
Proxecto Materna componse de varios espazos complementarios:
Situada moi preto da estación Intermodal de Santiago de Compostela, a Sala Materna é un lugar para aprender, explorar e perfeccionar o oficio da actuación.
Úneste a nós?
Un teatro accesible e inclusivo en Santiago de Compostela.
Pensado para a exhibición de obras, proxectos emerxentes, artistas consolidados e diferentes eventos culturais.
O teatro conta cunha capacidade de 50 persoas e está equipado con tecnoloxía de accesibilidade como interpretación en lingua de signos, audiodescrición de espazos escénicos e proximamente sistemas de tradución en varios idiomas.
Dispoñible parking gratuito a 170m
Situada en plena Serra do Courel, un xeoparque mundial da UNESCO, Casa Materna é un refuxio na natureza construído en 1890 e deseñado para a desconexión, o descanso e a creación nunha contorna inspiradora.
Contando con 210 m², a casa está pensada como un espazo de residencias artísticas, procesos creativos e eventos culturais entre outros
En Proxecto Materna cremos na arte como motor de cambio e na necesidade de espazos adaptados á realidade dos creadores. O noso compromiso é seguir construíndo un lugar onde os artistas atopen apoio, visibilidade e oportunidades para crecer.
Detrás de Proxecto Materna está Isabel Portas, actriz e pallasa galega cunha sólida formación en interpretación.
Diplomada en Ciencias Empresariais pola UDC e Curso de Aptitude Pedagóxica (CAP) tamén pola UDC, actualmente está a cursar o grao en Psicoloxía.
Isabel combinou a súa formación académica coa súa paixón polas artes escénicas, estudando con referentes do teatro en Galicia, Madrid e Xirona.
Desenvolveu a súa formación en diversas disciplinas:
Ozo Perozo, Ángela Andrada y Lidia Fraga (Galicia)
Actualmente en formación como directora de casting na escola Mads Madrid.
Actualmente en formación en dirección de arte.
Dende pequena, a súa inquedanza artística estivo presente a través da música, o cine, a danza e o debuxo.
O seu amor polo ensino e a interpretación levouna a desenvolver unha carreira versátil, integrando distintas disciplinas e explorando novas formas de expresión.
Actualmente, segue ampliando a súa formación e desenvolvendo espazos onde os artistas poidan atopar apoio e visibilidade.
